19
Jan

На початку преслави турнир у столним тенису

Централна шветочносц з нагоди  Националного швета Руснацох у Сербиї всоботу, 17. януара у Вербаше почала з турниром у столним тенису. Змаганє, у рамикох Спортских бавискох „Яша Баков”, отримане у просторийохНа початку преслави турнир у столним тенису вербаского Културно-просвитного дружтва „Карпати”.

На турнире участвовали 25 бавяче зоз Змаєва, Коцура, Фекетичу, Дюрдьова и Вербасу.

Турнир нащивел член Општинскей ради Вербас задлужени за спорт Йован Ковачевич, котри з тей нагоди, медзи иншим, надпомнул же спортска секция КПД „Карпати” вше активно участвує на числених спортских манифестацийох у општини. Винчуюци швето визначел же му окреме мило же тото вельке збуванє почало зоз спортом.

Бевело ше по куп-системи, на випадованє, а побиднїк бул бавяч котри достал два сети, хтори ше бавело до 11 поени.

На початку преслави турнир у столним тенису1Перше место освоєл Михайло Киш з Дюрдьова, друге Мартин Копривица, треце Велько Вуячич, а штварте Александар Сабо, шицки з Вербасу.

После змаганя, учашнїком прирхтани полудзенок – традицийна пасуля по хторей, як надпомнул орґанизатор змаганя Владимир Мученски, Дружтво „Карпати” познате.

 

15
Jan

На соботу Националне швето Руснацох у Сербиї

plakat rНа соботу, 17. януара, Националне швето Руснацох у Сербиї, як здогадованє на дзень кед 1751. року совитнїк царици Мариї Терезиї и администратор Кральовско-державного Бачкого дистрикту у Зомборе Франц Йозеф де Редл, подписал перши урядови документ – Контракт о насельованю 200 руских грекокатолїцких фамелийох на тедишню пусту Вельки Керестур. Тот дзень уж вецей децениї прилапени як дзень урядового досельованя Руснацох на тоти простори.

Одлука о датуму Националного швета Руснацох у Сербиї принєшена у априлу 2007. року, а перша Централна шветочносц з нагоди швета отримана у януаре 2008. року. Одлуку о принєсло друге зволанє Националного совиту Руснацох, як и о других националних символох – гербу, застави и шветочней шпиванки Руснацох у Сербиї.

Того року, праве на дзень швета, 17. януара, Централна шветочносц будзе отримана у Вербаше, а програму орґанизую Завод за културу войводянских Руснацох и окремни Орґанизацийни одбор за Централну шветочносц, у хторим представителє спомнутого Заводу, Националного совиту Руснацох, КПД „Карпати” и Општини Вербас.

Цалодньова програма означованя швета на соботу почнє на 10 г. зоз змаганьом у столним тенису у рамикох Спортских бавискох „Яша Баков”, на 13 г. буду поставени етно-столи, а на 14,30 вистава подобових роботох Кристини Ґшвенґ. Спомнути програми буду у просторийох КПД „Карпати”.

У Шветочней сали Ґимназиї „Жарко Зренянин” на 15,30 г. будзе промоция кнїжки „Руснаци у Вербаше” и специялного числа „Руского слова” з нагоди швета; на 17 г. у нашей церкви у Старим Вербаше будзе Архиєрейска Служба Божа, на 19 г. будзе вистава Владу Нярадия „Карпатски мит” у Ґалериї културного центру,  а на 20 г. у кино-сали „Югославия” Шветочна програма з нагоди Националного швета Руснацох у Сербиї.

09
Jan

Завод за културу войводянских Руснацох вербаскей библиотеки подаровал кнїжки

DSCF7560Директор Заводу за културу войводянских Руснацох мр Серґей Тамаш вчера нащивел Народну библиотеку „Данило Киш” у Вербаше, дзе о.д. директорки Библиотеки Милияни Радованович придал найновши и найзначнєйши виданя нашого Заводу.

Вербаскей библиотеки подаровани кнїжки „Червене пупче 1969-2012”, „Червена ружа 1962-2011” (вецей авторох, редактор Дюра Латяк), „Польодїлска лексика Руснацох у Войводини” Александра Мудрия, „Центурион” Юлияна Тамаша и „Ґерманизми у руским язику” Андреи Медєши, як и кнїжка Руска одлога, и други виданя.

DSCF7570Нащива директора Заводу за културу войводянских Руснацох була роботного характеру пред Централну преславу Националного швета Руснацох, а з Тамашом у Библиотеки були и членїца Управного одбору Заводу Александра Лендєр, предсидатель КПД „Карпати” др Деян Загорянски и представителька Општини Вербас Ксения Бенце.

 

06
Jan

20150105_201941Вчера у Грекокатолїцкей церкви Св. Апостола Петра и Павла у Новим Садзе отримани остатнї по шоре Крачунски концерт под назву „Радуйме ше христовому народзеню“.

Нa инициятиву Завода за културу войводянских Руснацох, а у складу зоз Програму роботи за прешли рок, и у сотруднїцстве зоз Заводами за културу войводянских Словакох и Горватох, у Новим Садзе були отримани  штири Крачунски концерти.

Значне наглашиц же и попри трох спомнутих меншинох, на концертох участвовали и представителє словенскей меншини хтора жиє у Новим Садзе вецей децениї и активно участвує  у културним живоце на тих просторох. Треба повесц же концерти отримани у штирох розличних церковох хтори стаємно були нащивени и вшелїяк представяю позитивни пример и тото  цо  характерує АП Войводину як єдну сучасну европску реґию у котрей ше през  вики будує мултиетнїчносц, мултикултуралносц и мултиконфесионалносц през богатство розличносци АП Войводини и националних меншинох хтори репрезенти и ношителє самих процесох.

На концертох участвовали хори: руски «Гармония»,  словацки «Аґапе», словенски «Кредарица», хорватски «Єлачич» и Мишани хор словацкей євангелистичкей церкви. Заплановане  же би ше того року видало  єдно заєднїцке штироязичне виданє як промо материял и уж наявело тото цо  ше планує и идуцого року предлужиц и  дзвигнуц оперативно и орґанизацийно на висши професийни уровень, дзе би кажда национална меншина уключела  по  даскельо свойо хори зоз дияспори же би ше достал европски уровень и дзе би ше през уключованє городских и покраїнских институцийох предлужело зоз промоцию хорского меншинского  шпиваня и преслави найвекшого християнского  швета.

20150105_200456a 20141227_164218a 20150104_182534