24
Dec

Заєднїцка Прес конференция директорох меншнских Заводох

Koncert plakatХаснуєме нагоду обвисциц Вас же ше у просторийох Заводу за културу войводянских Руснацох на пияток 26. децембра на 11 годзин, отрима прес конференция з нагоди отримованя Крачунских концертох,
Поволуєме нашо медиї же би вшелїяк медийно випровадзели и потримали перши таки мултимедиялни заєднїцки проєкт меншинских заводох хтори иницировал Завод за културу войводянских Руснацох у котрим того року вежню учасц Заводи за културу войводянских Словакох и Хорватох, а у наяви за шлїдуюци 2015. рок  же би ше тому мултикултуралному проєкту приключели и Заводи за културу войводянских Румунох и Мадярох як и уключованє наших хорох зоз дияспори…
24
Dec

Отримана 11. схадзка Управного одбору

Вчера у Заводу уа културу войводянских Руснацох отримана у тим року остатня 11. схадзка Управного одбору, на котрей главна точка дньового шору була предклад Плану и роботи за 2015. рок як и предклад Финансийного плану за 2015. рок.

Окрем того, було слова о актуалних темох и технїчних стварох коло орґанизациї Централней преслави Швета Руснацох у Републики Сербиї хторе ше отрима 17. януара 2015. року у Вербаше. Порадзене же би ше пре лєпшу кординацию будуцого сотруднїцства Заводу за културу и Националного Совиту и Руского слова зорґанизовала у януару мешацу заєднїцка роботна схадзка тих трох целох дзе би ше опредзелєли дальши крочаї у будуцих планованих активносцох.

22
Dec

КРАЧУНСКИ КОНЦЕРТ „РАДУЙМЕ ШЕ ХРИСТОВОМУ НАРОДЗЕНЮ !“

Koncert plakat На инициятиву Заводу за културу войводянских Руснацох а на основи  Програми за 2014. рок  порушани и реализовани  заєднїцки  мултикултурални проєкт отримованя сериї Крачунских концертох  зоз Заводами за културу войводянских Словакох и Хорватох  под назву «Радуйме ше Христовому народзеню».

Идея самого проєкту же би ше през отримованє самих концертох першенствено промовала мултиентнїчносц и мутликонфесионалност  наших етнїчних заєднїцох – рускей,  словацкей, хорватскей, словенскей и мултибогатство просторох АП Войводини яки су традицийно и през вики  заступени и   представяю позитивни приклад єдней  сучасней европскей региї и важне предусловиє за будуци европски процеси яки розпочати у Републики Сербиї. През отримованє святочних концертох у штирох розличних церквох швелїяк же ше презентує и дальнєйша промоция хорского шпиваня яку прикажу хори  хтори  вежню учасц у тим проєкту («Агапе», «Єлачич», «Хармония», «Кредарица» и «Мишани хор словацкей евангеличней церкви»).

После отримованя самих концертох заплановане єдне заєднїцке промо виданє / Каталог хтори будзе штироязично поробени и хтори у кратким прикаже хори (од часу їх снованя по терашнї днї)  як и активносци самих Заводох/ их мисию, визию итд..  Заплановане же би ше тота проєктна идея  идуцого  2015.  року розробела  и доробела ещи вецей  и же би кажди  Завод уключел по єден або вецей хори зоз своєй дияспори дзе би зме вец мали єден европски святочни сериял краучунских концертох и дзе би ше вец далєй промовало през обявйованє заєднїцкого ношача  звуку ЦД –ки… Вшелїяк же треба  уключиц и городски и покраїнски структури цо окремне значне и важне кед знаме же ше НС уключел до кандидатури за европску престолнїцу култури 2021. року – єщи єден позитивни и добри приклад на злєпшованю самого имиджу городу, покраїни и  нашей жеми на медзинародним планє през промоцию мултибогаства…

Програму можеце превжац ту Prohrama za koncerti

20
Dec

Отримани литературни feedback форум и промоция двох мастер роботох

.

IMG_1931aaЗавераюци тидзень младих у Заводу хтори мал роботну назву «Култура младих – млади тадзи!» Завод за културу войводянских Руснацох и Виглєдовацки круг отримали  Литературни feedback  форум дзе млади писателє достали нагоду  пречитац свойо твори, алє и през интерактивну дискусию розправяли о своїх  и творох своїх колеґох,  доставаюци  през таку комуникацию повратну информацию (feedback) од присутних, цо остатнїх рокох вше ридше зявенє. Було  дискусиї о сучасним стану у литературней критики при Руснацох и нєобходносци писаня о литературней творчосци младих Руснацох. Така файта Литературного  feedback форуму ше перши раз орґанизовала у Заводу як єден зоз способох означованя 50-рочнїци литературного подлїстку Литературне слово.

IMG_1944aaУ рамикох Литературного feedback форума, була отримана  промоция и двох мастер роботох, автора Александра Мудрия «Польодїлска лексика Руснацох у Войводини» и авторки Андреї Медєшовей «Ґерманизми у руским язику», котри видал Завод за културу войводянских Руснацох по Конкурсу под назву Едиция иновациї «Владимир Ґарянски» и представя порядову часц Активносцох за 2014. рок хтора ше предлужи реализовац и у будуцим периодзе хтора першенствено ма за циль цо векшу афирмацию младих интелектуалнцох  и цо  векше уключованє рускей младежи до явного живота як Руснацох так и ширше.